Национална фондација за трансплантација

Телото на нејзиното тело – приказни за добрината

Birowsky — Fri, 23 Dec 2011 00:18:25 +0000

Националната фондација за трансплантација I ONE започнуваат кампања за подигање на свеста за важноста за донирање органи и побрзо имплементирање на Законот за трансплантација на клетки, ткива и органи.

По тој повод денеска е промовирана книгата “ТЕЛОТО НА НЕЈЗИНОТО ТЕЛО- приказни за добрината” преведена на македонски јазик, напишана според личното искуство на светски познатата писателка Славенка Дракулиќ откако таа добива бубрег од непознат дарител.

Книгата ќе се продава за симболични 120 денари во продажните салони на ОНЕ низ целата земја, а финансиските средства од продажбата ќе бидат донација за Националната фондација за трансплантација.  “Проектот го почнавме со единствена цел – да покажеме дека донирањето органи се случува во светот и дека тоа продолжува животи, да ја поттикнеме свеста бидејќи сме сигурни дека добри луѓе има. Се надеваме дека преводот на делото на македонски јазик барем малку ќе помогне во приближувањето на темата за донирање на органи до нашите сограѓани” , изјави Виктор Доневски, директор на одделот за корпоративни комуникации во ОНЕ.

“Во книгата опишувам десетина случаи на донатори на органи. Некои се религиозни, некои воопшто не се. Некои едноставно сочувствуваат , а некои тоа го прават бидејќи имаат таква животна филозофија. Можеби мојата донаторка Кристин Свонсон го даде најдобриот одговор на прашањето ЗОШТО? Таа рече: А зошто не? Навистина да се запрашаме зошто ваквите алтруистички гестови се толку ретки? Зошто се чудиме на добрината и сме изненадени и затечени од чинот на добродетелство додека пак злото ни се чини нормално? Единствен начин да им се заблагодарам на ваквите луѓе беше да ја напишам оваа книга”, изјави Славенка Дракулиќ на промоцијата на книгата.

`Би сакал во мое лично име и во име на Фондацијата од се срце да и се заблагодарам на г-ѓа Славенка Дракулиќ што ни ги подари авторските права за нејзиното дело, како и на фондацијата Традуки од Германија кои финансиски го помогнаа македонски превод. Со оваа кампања ја остваруваме основната мисија на Фондацијата – подигање на свеста за донирање на органи, но воедно сакаме и да помогнеме на Министерството за здравство побрзо да го имплементира новиот Закон за трансплантација на клетки, ткива и органи. И секако огромна благодарност до компанијата ОНЕ без чие учество немаше да биде возможно издавањето на оваа книга. Со поддржувањето на овој проект ОНЕ уште еднаш покажа дека заслужено се наоѓа помеѓу водечките општествено одговорни компании во земјава`, изјави Др. Владимир Чадиковски, претседател на Националната Фондација за трансплантација.

Претседателот Др. Ѓорѓи Иванов активно се приклучи во кампањата “Можам и сакам да подарам живот”

Birowsky — Thu, 23 Jun 2011 18:18:08 +0000

Во прилог, обраќањето на нашиот Претседател Др. Ѓорѓи Иванов:

Дами и господа,

Почитувани гости,

Ми претставува особено задоволство што ја имам можноста и јас лично да се вклучам во кампањата „Можам и сакам да подарам живот“. Како Претседател на Република Македонија би сакал со својот потпис на оваа петиција да ја потврдам заложбата за подигнување на јавната свест за важноста на донирањето и трансплантацијата на клетки, ткива и органи, со крајна цел – спасување на човечките животи.

Преку воведувањето на законска рамка според светските стандарди со која се регулира земањето и пресадувањето на делови од човечкото тело заради лекување, што меѓу другото практично значи и заживување на кадаверичната трансплантација, се прави значаен исчекор во зголемувањето на квалитетот на здравствените услуги за граѓаните на Република Македонија. Благодарение на законските измени, но и на постојаното усовршување на нашите медицински експерти, како и набавката на соодветна медицинска опрема, се отвора можност македонските граѓани да добиваат услуги поврзани со трансплантација во својата матична земја, нешто што досега најчесто се изведуваше во странство.

Почитувани,

Човечкиот живот е бесценет и треба да се стори сè што е во наша можност, и институционално и индивидуално, да се вклучиме во активностите со кои се овозможува унапредување на условите за соодветна здравствена заштита. Станува збор за животот, за хуманоста во нас, за уште една шанса за нормален живот на оние чие здравје е доведено до крајно критична фаза. Неопходно е сите да придонесеме за зголемување на интересот за поддржување на донаторството на органи.

Дозволете во оваа прилика да се заблагодарам на Националната фондација за трансплантација за сите нивни досегашни заложби и активности, за упорноста и ентузијазмот, особено во изработката и донесувањето на Законот за трансплантација. Благодарение на нивната неуморна работа и посветеност, Македонија денес е акредитиран регионален центар за трансплантација на црн дроб поддржан од Светската асоцијација за детска трансплантација.

Подеднакво се важни и активностите за промоција на важноста на донирањето на органи, клетки и ткива. Токму кампањата „Можам и сакам да подарам живот“ е, секако, главен двигател во подигнувањето на јавната свест за оваа проблематика, информирањето и подигнувањето на свеста и чувствителноста на јавноста во однос на ова прашање. Се надевам дека кампањата ќе се интензивира, ќе добие на динамика и ќе допре до секој граѓанин на Република Македонија.

Ви посакувам натамошен успех во кампањата и во имплементирањето на Законот.

South Eastern Europe Initiative in Deceased Donation

Birowsky — Thu, 23 Jun 2011 18:15:01 +0000

Прв симпозиум за матични клетки – галерија

Birowsky — Sat, 02 Apr 2011 21:13:20 +0000

Прв симпозиум за матични клетки

Birowsky — Mon, 21 Feb 2011 10:26:48 +0000

Благодарение на матичните клетки, денес постои можност за лекување на голем број заболувања на крвта, имунoлошкиот систем, централниот нервен систем и бројни метаболни заболувања.

Имајќи ја предвид важноста на целуларната и регенеративна медицина (терапија со матични клетки) за развојот на современата медицина во Македонија, ќе ни претставува искрено задоволство доколку присуствувате на “Првиот симпозиум за матични клетки и регенеративна медицина со интернационално учество”, кој ќе се одржи на 23.03.2011 во 12 часот во конференциска сала Милениум, во хотел Холидеј Ин во Скопје. На настанот активно учество ќе земат видни странски и домашни експерти, научни работници и доктори кои работат на развој на нови тераписки можности, со матични клетки и нивна клиничка примена.

Целта на овој прв симпозиум кој се надеваме ќе стане практика во иднина, е нашата стручна јавност да се запознае со новините и можностите за примена на матичните клетки во современата медицина.

Запознајте се со предавачите:

Регистрација и уплата на котизација

Краен рок за регистрација и уплата на котизација за Симпозиумот е 18.03.2011.

цената на котизацијата изнесува 1.500,00 ден.
цената на котизацијата за студенти, специјализанти и млади истражувачи изнесува 1.000,00 ден.

Котизацијата се уплаќа на:

назив: „Национална фондација за трансплантација“;
број на жиро сметка: 210 – 0641697701 – 11;
банка депонент: НЛБ Тутунска банка – Скопје.

По уплатата на котизацијата, се регистрирате на simpoziumnt@alkom.com.mk со тоа што испраќате e-mail со наслов „Регистрација за симпозиум“, а во пораката го наведувате вашето име и презиме.

Нов (драфт) закон за трансплантации предложен од НФТ

Birowsky — Mon, 21 Feb 2011 10:10:47 +0000

Посета на Richard Fine

Birowsky — Sat, 19 Feb 2011 18:10:36 +0000

Richard Fine

Seat Open 2010

Birowsky — Tue, 15 Feb 2011 17:26:02 +0000

Изминатиот викенд во тенискиот клуб АБЦ се одржа полуфиналните и финалните натпревари во машка и женска конкуренција од хуманитарниот тенискиот турнир SEAT Open 2010
SEAT Open 2010 – добротворен тениски турнир

Денот на кралицата во Холандија

Birowsky — Tue, 15 Feb 2011 17:22:52 +0000

Донација – GFK

Birowsky — Tue, 15 Feb 2011 17:21:55 +0000

On May 12 2010, the executive manager of GfK Skopje, Ms Vesna Kuzmanovic handed over a cheque amounting to 185.000 MKD to the organizers of the humantirian action “You Can If You Want”. This donation supports the action for collecting funds for the construction of an intensive care unit at the University Pediatrics Surgery Clinic.

http://www.gfk.si/